კომპანიის შესახებ

"ნიკორა ჯგუფი" ქართულ ბაზარზე ერთ-ერთი ყველაზე წარმატებული კვების პროდუქტების მწარმოებელი გახლავთ. კომპანია 1998 წელს დაარსდა, სულ მალე ლიდერის პოზიცია დაიმკვიდრა და მძლავრ ჰოლდინგად ჩამოყალიბდა.  

მცირე წარმოებით დაწყებული ბიზნესი დღეს სხვადასხვა მიმართულების საწარმოებს, მასშტაბურ სადისტრიბუციო ქსელს, რამდენიმე ბრენდის ქვეშ მოქმედ სავაჭრო ობიექტებსა და იმპორტიორ კომპანიებს აერთიანებს. 

"ნიკორას ჯგუფის" მფლობელობაშია:

✔ ხორცპროდუქტების ცენტრალური და რეგიონალური საწარმოები ქალაქ თბილისსა და ფოთში - ჯამური ყოველდღიური წარმადობა 60 ტონა.
✔ სასაწყობე მეურნეობები დედაქალაქში, დასავლეთ და აღმოსავლეთ საქართველოში.
✔თევზეულისა და ზღვის პროდუქტების წარმოებები, წარმადობით - 800-900 ტონა წელიწადში.
✔ სალათერია და პურ-ფუნთუშეულის საცხობი.
✔ ნაყინისა და რძის პროდუქტების საწარმოები.
✔ ფერმა - ინკუბატორი მწყერისა და მწყერის სასურსათო კვერცხის გამოსაყვანად.
✔ საკალმახე მეურნეობა - ცოცხალი კალმახისა და ორაგულისებრთა ხიზილალის წარმოება.
✔ სადისტრიბუციო ქსელი.
✔ კვების პროდუქტების, ალკოჰოლური სასმელებისა და ნედლეულის იმპორტიორი კომპანიები.
✔ ქვეყნის მასშტაბით ყველაზე მრავალრიცხოვანი სუპერმარკეტების ქსელი. 

"ნიკორა ჯგუფში" შემავალი კომპანიების მუშაობის სტრატეგია - განვითარება/გაფართოებისკენ მუდმივი სწაფვა, სიახლეების ათვისება/დანერგვის უნარი, შედეგია იმისა, რომ დღეს, ჰოლდინგი უკვე 500-მდე დასახელების პროდუქტს აწარმოებს, "ნიკორას", "ნუგეშის" და"ლიბრეს"  ბრენდის ქვეშ მოქმედ 500-ზე მეტ სავაჭრო ობიექტს ფლობს, კომპანიაში დასაქმებული ადამიანების რაოდენობა კი 9000 აჭარბებს.

მნიშვნელოვანია ის ფაქტორიც, რომ კომპანია თავად უზრუნველყოფს საკუთარი წარმოებების ნედლეულით მომარაგებას და აღნიშნული მიმართულებით, მხოლოდ იმ ავტორიტეტულ ქარხნებთან თანამშრომლობს, რომლებიც ევროკავშირის ქვეყნებსა და აშშ-ს ამარაგებენ. ამას გარდა, "ნიკორა ჯგუფში" ერთიანდება კომპანია "ინტრეიდი", რომელიც ქართულ ბაზარზე მსოფლიო მასშტაბის ალკოჰოლური და არაალკოჰოლური სასმელების ბრენდების იმპორტითაა დაკავებული.   

"ნიკორა ჯგუფს" საქართველოს ეკონომიკის განვითარებაში შეტანილი წვლილითაც ღირსეული ადგილი უჭირავს ქართველ მწარმოებლებს შორის. კომპანიას არსებობის მანძილზე 300 მილიონ ლარზე მეტი აქვს შეტანილი ქვეყნის ბიუჯეტში. 

"ნიკორა ჯგუფი" ერთ-ერთი პირველია ქართული კვების პროდუქტების მწარმოებელ კომპანიებს შორის, ვინც მრავალი წელია ფლობს ISO 9001 : 2015 და ISO 22000 : 2018  სტანდარტებს და დანერგილი აქვს НАССР სისტემა. როგორც წარმოებაში, ასევე მენეჯმენტში ზედმიწევნით იცავს ხარისხის მართვის და სურსათის უვნებლობის საერთაშორისო სტანდარტებს. კომპანია წარმოების პროცესში მსოფლიოში ცნობილი სამრეწველო ბრენდების - "ლასკას", "ჰანტმანის", "ფემაგის", "მულტივაკის", "პოლიკლიპის", "დომინიონის", "ჰაეკის", "ალოპაკის", "მაუტინგისა" და "შალერის" თანამედროვე დანადგარებს იყენებს.  ამას გარდა, ჰოლდინგში ფუნქციონირებს თანამედროვე მიკრობიოლოგიური ლაბორატორია, რომელიც  წარმოებული პროდუქციის ხარისხს ყოველდღიურად ამოწმებს. 

სს "ნიკორა": 200050675

ქ. თბილისი, ალექსანდრე მრევლიშვილის ქ.#2 

სს ნიკორას სავაჭრო ნიშნები

ნიკორა

მზარეული

ოკეანე

დღის პროდუქტები

პალომა

პანე

კულინარი

ინტრეიდი

სუპერმარკეტების ქსელი

ნიკორა

მზარეული

ოკეანე

დღის პროდუქტები

პალომა

პანე

კულინარი

ინტრეიდი

სუპერმარკეტების ქსელი