ნიკორა ჯგუფი დმანისის, თეთრიწყაროს, ბოლნისის და ახმეტის საჯარო სკოლებს ეწვია
"ნიკორა ჯგუფი“ სოციალური პასუხისმგებლობის ფარგლებში მაღალმთიანი სოფლის სკოლების დახმარების პროგრამას აგრძელებს.
ამჯერად გომარეთის (დმანისი), წინწყაროს (თეთრიწყარო), დარბაზის (ბოლნისი), საკობიანოს (ახმეტა) სკოლებს ვეწვიეთ და საჩუქრად: წიგნები, სასკოლო ნივთები და კომპიუტერული ტექნიკა გადავეცით.
“ნიკორა ჯგუფი“ რამდენიმე წელია მაღალმთიანი რეგიონების სკოლებსა და მოსწავლეებს ეხმარება. კორპორაციული სოციალური პასუხისმგებლობის ფარგლებში განათლების მხარდაჭერა კომპანიის ერთ-ერთი ძირითადი მიმართულებაა. „ნიკორა ჯგუფი“ სკოლების შესარჩევად განათლების სამინისტროსთან თანამშრომლობს და სწორედ მათი დახმარებით დგება იმ სკოლების სია, რომლებსაც თანადგომა სჭირდებათ. სკოლებს საჩუქრად გადაეცემა კომპიუტერები და წიგნები სასკოლო ბიბლიოთეკისთვის. პირველიდან მერვე კლასამდე მოსწავლეები კი პირადი სასკოლო ნივთებით საჩუქრდებიან.