ნიკორა ჯგუფი ყაზბეგის,დუშეთის, კასპის და საგარეჯოს საჯარო სკოლებს დაეხმარა
28 მაი. 2025
"ნიკორა ჯგუფი“ განათლების მხარდაჭერის პროგრამის ფარგლებში ოთხ რეგიონულ სკოლას ესტუმრა და საჭირო ნივთებით დაასაჩუქრა. საუბარია კომპიუტერებზე, წიგნებზე და საკანცელარიო ნივთებზე.
ამჯერად ჩვენი სტუმრობა შემდეგ სკოლებში შედგა:
- სსიპ ყაზბეგის მუნიციპალიტეტის სოფელ არშის საჯარო სკოლა;
- სსიპ დუშეთის მუნიციპალიტეტის სოფელ ჩირიკის საჯარო სკოლა;
- სსიპ კასპის მუნიციპალიტეტის სოფელ მეტეხის N2 საჯარო სკოლა;
- სსიპ საგარეჯოს მუნიციპალიტეტის სოფელ უდაბნოს საჯარო სკოლა.
სკოლების შერჩევა განათლების სამინისტროსთან კომუნიკაციის შედეგად მოხდა.
“ნიკორა ჯგუფი” სკოლების დახმარების პროგრამას რამდენიმე წელია ახორციელებს. საერთო ჯამში უკვე 30-ზე მეტი სკოლის დახმარება შევძელით. პროექტი მომავალშიც გაგრძელდება. კომპანიის მიზანია, მთის რეგიონებში მცხოვრებ ახალგაზრდებს თანამედროვე ტექნოლოგიებსა და ლიტერატურაზე ჰქონდეთ წვდომა. მათი განათლების მიღების შესაძლებლობები არ უნდა ჩამორჩებოდეს ქალაქში მცხოვრები მოსწავლეების შესაძლებლობებს.
