CSR
"ნიკორა ჯგუფი“, როგორც წარმატებული, ძლიერი ბიზნეს სუბიექტი, ორიენტირებულია თავისი წვლილი შეიტანოს ქვეყნის განვითარებაში. წლებია, რაც სიესარი კომპანიის კორპორაციული კულტურის განუყოფელი ნაწილია. ვახორციელებთ პროექტებს, რომლებიც ვფიქრობთ ქვეყნის მდგრადი განვითარების მიზნების მიღწევაში, გარკვეულ კვალს დატოვებს. "ნიკორა ჯგუფის“ კორპორაციული სოციალური პასუხისმგებლობის სტრატეგია მოიცავს შემდეგ მიმართულებებს: განათლების მხარდაჭერა, გარემოს დაცვა, შრომითი უფლებები.
განათლების მხარდაჭერა
განათლების, მომავალი თაობის მხარდაჭერა განსაკუთრებით პრიორიტეტულია "ნიკორა ჯგუფისთვის“. წლებია, ვცდილობთ, სტიპენდიებით წავახალისოთ, სტიმული მივცეთ სტუდენტობას, რადგან მსგავსი სამოტივაციო მხარდაჭერა ხელს უწყობს სტუდენტების პროფესიონალებად ჩამოყალიბებას.
ჩვენთვის უმნიშვნელოვანესია მთის რეგიონალური სკოლების დახმარება მატერიალურ-ტექნიკური ბაზით, მათთვის ბიბლიოთეკების შექმნა. მიუხედავად იმის, რომ ქვეყანაში, განათლების მისაღებად შექმნილია ხელსაყრელი გარემო, რეგიონალური სკოლები საჭიროებენ განსაკუთრებულ თანადგომას. ჩვენს მიერ განხორციელებული არაერთი მთის სკოლის დახმარების პროექტი, სკოლის აღსაზრდელებს, საშუალებას აძლევს გამოიმუშაონ თანამედროვე ტექნოლოგიებთან ურთიერთობის უნარ-ჩვევები, გაეცნონ ახალგამოცემულ საკითხავ ლიტერატურას.
ბუნების დაცვა
კომპანიისთვის განსაკუთრებით მნიშვნელოვანია მდგრადი გარემოსდაცვითი აქტივობების დაგეგმვა და ამ აქტივობებში თანამშრომლების ჩართვა, მათი ინიციატივების განხილვა და განხორციელება.
ჩვენი პასუხისმგებლობის ფარგლებში, ვაცნობიერებთ რაოდენ დიდი მნიშვნელობა აქვს ქალაქის მწვანე საფარის შექმნასა და განვითარებას. ამიტომ ვცდილობთ ჩვენი წვლილი შევიტანოთ ამ საქმეში.
გარემოსდაცვითი პასუხისმგებლობის მიმართულებით ვაცნობიერებთ ნარჩენების მართვის აუცილებლობას. ოპერირების პროცესში „ნიკორა ჯგუფის“ პრიორიტეტია ნარჩენების საერთო რაოდენობის შემცირება, ხოლო გარდაუვალი ნარჩენის - რეციკლირება, განადგურება ან ნაგავსაყრელზე შესაბამისი წესების დაცვით განთავსება. კომპანია მუდმივად ზრუნავს, რომ მინიმუმამდე იყოს დაყვანილი ბუნებრივი რესურსების ფუჭი გამოყენება , რისთვისაც ობიექტები აღჭურვილია ენერგოეფექტური ტექნიკითა და ხელსაწყოებით. წლებია, დანერგილი გვაქვს ბიოდეგრადირებადი პარკების გამოყენება, რაც ქვეყნის ეკოსისტემის გაჯანსაღების ერთ-ერთი მნიშვნელოვანი ნაწილია.
შრომითი უფლებები
შრომითი უფლებები, როგორც ადამიანის ფუნდამენტური უფლებების ერთ-ერთიი მნიშვნელოვანი ნაწილი, განსაკუთრებული ყურადღების საგანია "ნიკორა ჯგუფისთვის“. შრომის უსაფრთხო პირობების შექმნა/პრევენცია, დაცვა, პიროვნული, პროფესიონალური განვითარება, არადისკრიმინაციული, თანასწორი გარემოს შექმნა - მნიშვნელოვანი მოტივაციაა, რომ ერთად, კიდევ უფრო წარმატებული კომპანია შევქმნათ. "ნიკორა ჯგუფი“ აღიარებს, რომ თანამშრომელი ყველაზე ღირებული რესურსია.
