სიახლეები

2005 წელს "ნიკორამ" იმპორტის მიმართულებით დაიწყო მუშაობს. კომპანიის შვილობილი ბრენდი "ინტრეიდი" ევროპის ქვეყნებიდან მაღალი ხარისხის კვების პროდუქტების, ალკოჰოლური და გამაგრილებელი სასმელების შემოტანითაა დაკავებული.

ნაყინის წარმოება "პალომას" ბრენდის ქვეშ "ნიკორამ" 2005 წელს დაიწყო. კომპანია პროდუქტის 4 სახეობას: პლომბირს, რბილს, საოჯახოსა და ჭიქის ნაყინს აწარმოებს.      

2003 წელს "ნიკორამ" რამდენიმე სახის რძის პროდუქტის წარმოება დაიწყო. ასორტიმენტშია, ასაწონი და დაფასოებული არაჟანი, მაღალცხიმიანი ხაჭო, კარაქი.

2003 წელს "მზარეულის" სავაჭრო ნიშნით გახსნილმა საამქრომ 18 დასახელების გაყინული პროდუქტი გამოუშვა. ბრენდის ასორტიმენტში წარმოდგენილია, როგორც ტრადიციული ქართული, ასევე ყველასათვის ცნობილი რუსული და ევროპული რეცეპტურით დამზადებული კერძები. პროდუქტი საგემოვნო თვისებებითა და სახლის პირობებში სწრაფი მომზადების შესაძლებლობით გამოირჩევა.  

2003 წლიდან, "ოკეანის" სავაჭრო ნიშნით კომპანია ზღვის პროდუქტების ყველაზე ფართო ასორტიმენტს სთავაზობს მომხმარებელს. "ოკეანე" წარმოებისას იყენებს, როგორც საკუთარი საკალმახე მეურნეობიდან მიღებულ ნედლეულს, ასევე ახორციელებს იმპორტს ნორვეგიიდან, სადაც საუკეთესო კატეგორიის თევზი ბინადრობს. 

2002 წელს, ოზურგეთის რაიონში, სოფელ ვაკიჯვარში დაფუძვნდა საკალმახე მეურნეობა, სადაც კალმახის ლიფსიტებისა და ხიზილალის რეწვა ხდება. 

"ნიკორას" სასაქონლე მეურნეობა 2001-2002 წლებში შეიქმნა. ფერმა გარდაბნის რაიონში, სოფელ გამარჯვებაში მდებარეობს და 54 ჰექტარს მოიცავს. ტერიტორიაზე მსხვილფეხა საქონელი, ბროილერის ჯიშის ქათამი, მწყერი და მწყრის სასურსათო კვერცხი გამოჰყავთ. 

2001 წელს შეიქმნა სადისტრიბუციო ქსელი, რომელიც "ნიკორას" წარმოებული პროდუქციით საქართველოს ყველა რეგიონს ამარაგებს.